2022 оны 03 сарын 15-ны өдөр олон улсын хэрэглэгчийн эрхийг хамгаалах өдрийг угтан IMS consulting experts ХХК болон Олон улсын стандартын академи санаачилж Улаанбаатар хотын стандартын газар, Монголын хэрэглэгчийн эрх ашгийг хамгаалах нийгэмлэгүүдийн үндэсний холбоо, Орхон аймгийн нийгмийн даатгалын хэлтэс, Хаан банк, Монсертф ХХКомпаниудтай хамтран “ҮЙЛЧИЛГЭЭНИЙ ТӨГӨЛДӨРШЛИЙН ТӨЛӨӨ” нэрийн дор “ISO 23592:2021- Үйлчилгээний төгөлдөршил- Зарчим, загварууд” олон улсын стандартын агуулга, ач холбогдлыг танилцуулах өдөрлөгийг амжилттай зохион байгуулсан. Өдөрлөгт Баянзүрх, Багануур, Чингэлтэй, Сүхбаатар, Хан-Уул, Сонгинохайрхан дүүргүүдийн хүнс худалдаа үйлчилгээний хэлтэс, Хүнс хөдөө аж ахуй хөнгөн үйлдвэрийн яам, Хотын стандарт хяналтын газар, Хаан банк, Худалдаа хөгжлийн банк, Монголын үйлдвэрлэлийн хоршооллын төв холбоо, Бэйкер Тилли Далай ван аудит ХХК, Монголын эм зүйчдийн холбооны төлөөллүүд оролцсон юм. Мөн бид энэхүү ISO 23592:2021- Үйлчилгээний төгөлдөшлийн зарчим, загварууд стандартыг орчуулж үндэсний стандартаар батлуулахаар ажиллаж байна.
